Сыҧсҭазаара Зымпыҵаку, с-Аҳ Ду! Усда атәареи, агәаҭеиреи, амчра абзиабареи, баша ацәажәареи рыҧсы сылаумҵан сара. (Ҳалахь-ҳаџьымшь ӡатәны, ҳҩшьамхык арсны, ҳхырхәоит).
Бзиарахәыцреи, ҟәышрала аҽырларҟәреи, ачҳареи, абзиабареи рыҧсы сылаҵа сара, Утәы. (Ҳалахь-ҳаџьымшь ӡатәны, ҳҩшьамхык арсны, ҳхырхәоит).
Аи, с-Аҳ Ду, исыҭ сара алшара аиакәым изуыз збартә еиҧш, сашьагьы сиқәмыӡбартә еиҧш, избанзар Уара наунагӡа иныҳәоу Уоуп. Амин. (Ҳалахь-ҳаџьымшь ӡатәны, ҳҩшьамхык арсны, ҳхырхәоит).
Нас 12-нтә ҳаиҭахырхәоит (ҳалахь-ҳаџьымшь ӡатәны, ҳшьамхы амырскәа), абас ҳәауа:
Анцәа Ду, лахь сумҭан аиакәым зуыз, сагьрыцҳашьа.
Анаҩс, даҽазнык иаҳҳәоит: Аи, с-Аҳ Ду, исыҭ сара алшара аиакәым изуыз збартә еиҧш, сашьагьы сиқәмыӡбартә еиҧш, избанзар Уара наунагӡа иныҳәоу Уоуп. Амин. (Ҳалахь-ҳаџьымшь ӡатәны, ҳҩшьамхык арсны, ҳхырхәоит).
Перевод с древнегреческого на абхазский: архимандрит Дорофей (Дбар)
Комментарии