Ақьырсианцәа рхаҵара дырга

 
Иаса Қьырса аԥсцәа рахьтә игылара амшныҳәа иазку атропарион
 
Қьырса дгылт аԥсцәа рахьтә, / аԥсрала аԥсра даӷрагылеит, / адамра иҭақәазгьы / аԥсҭазаара ранеишьеит.
 
Хынтә Ацқьа
 
Ацқьа Анцәа, ацқьа Зымчдуу, ацқьа Ԥсразқәым, ҳрыцҳашьа ҳара (3-нтә).
 
Ахьӡ-аԥша имаз Аб, Аԥагьы, Аԥсы Цқьагьы, уажәгьы, есқьынгьы, наӡаӡагьы. Амин.
 
Ицқьоу Хаӡәк иахь аныҳәаԥхьыӡ
 
Ицқьаӡоу Хаӡәк, ҳрыцҳашьа ҳара; Иҳақәиҭу, ҳарҭоумҵан ҳагәнаҳарақәа; ҳ-Аҳ Ду, иҳанажь иакәымкәа иҟаҳҵаз; Ацқьа, уаҳҭаа ҳагьрылырга ҳамчымхарақәа, избанзар Ухьӡ ҳҳәоит.
 
Анцәа ҳрыцҳашьа (3-нтә).
 
Ахьӡ-аԥша имаз Аб, Аԥагьы, Аԥсы Цқьагьы, уажәгьы, есқьынгьы, наӡаӡагьы. Амин.
 
Ҳаҳ Ду Иаса Қьырса иныҳәаԥхьыӡ
 
Жәҩан иҟоу ҳ-Аб, ицқьахааит Ухьӡ, иааиааит Уаҳра, иҟалааит Угәаԥхара хыхь ажәҩан аҟны еиԥш ҵаҟа адгьыл аҿгьы; ача зыда ҳхәарҭам ҳаҭ ҳара иахьа, иҳанажь ҳара ҳуалқәа ҳара ҳтәы зықәқәоу ишранаҳажьуа еиԥш; ҳагьалаумгалан ҳара ацәгьаԥышәара, ҳагьицәыхьча ҳара аҩсҭаа. Амин.
 
Ақьырсианцәа рхаҵара дырга
 
1 Дхасҵоит иаӡәу Анцәа, Аб, зегьызку, изшаз жәҩани дгьыли, иаҳбогьы иаҳамбогьы зегьы.
2 Иаӡәу Иҳақәиҭу Иаса Қьырсагьы, Анцәа Иԥа – ахшаазаҵә, Аб иҟнытә ииз аамҭақәа зегьы раԥхьа; алашара алашараҟнытә, Анцәа ҵабырг Анцәа ҵабырг иҟнытә, ииз, ишам, ԥсабарала Заб иаӡәу, зегьы зыла иҟалаз.
3 Ҳара ауаа ҳзи ҳара ҳҿыхрази жәҩантә илбааз, Аԥсы Цқьеи Аҭыԥҳа Мариеи рыҟнытә ацәеи ажьи шьҭызхызи иуаҩхази.
4 Ҳара ҳзы Понтиатәи Пилат ихаан аџьар икыдҵази, игәаҟызи, иржызи.
5 Ахымш рзы [аԥсцәа рахьтә] игылази, Аҩымҭақәа рыҟны ишҳәаз еиԥш.
6 Ажәҩан ашҟа ихалази, Аб иарӷьарахь итәази.
7 Иеиҭагьы хьӡи-ԥшеи зманы иаауа, абзацәеи аԥсцәеи рус аӡбаразы; заҳрагьы аҵыхәтәа ԥымҵәауа.
8 [Дхасҵоит] Аԥсгьы – ицқьоу, иҳақәиҭу, аԥсҭазаарарҿиаҩы, Аб ихылҵуа, Аби Аԥеи дрыдкыланы изыцеихырхәои, зыхьӡ-зыԥша иеицырҳәои, аԥшҩцәа рыла ицәажәахьоу.
9 [Ихасҵоит] иаку, ицқьоу, зегьеидызкыло, апостолцәа иртәугьы Аныха.
10 Сақәшаҳаҭуп зныктәи аӡӡаахра агәнаҳақәа ранажьразы.
11 Сагьазыԥшуп аԥсцәа ргылареи,
12 иҟалараны иҟоу наӡаӡатәи аԥсҭазаареи. Амин.
 
Символ веры
 
1 Верую во единого Бога, Отца, Вседержителя, Творца неба и земли, всего и видимого и невидимого.
2 И во единого Господа Иисуса Христа, Сына Божия, Единородного, от Отца рожденного прежде всех веков, Света от Света, Бога истинного от Бога истинного, рожденного, несотворенного, единосущного Отцу, через Которого всё произошло.
3 Ради нас, людей, и нашего ради спасения сошедшего с небес, и воплотившегося от Духа Святого и Марии Девы, и вочеловечившегося.
4 Распятого же за нас при Понтии Пилате, и страдавшего, и погребенного.
5 И воскресшего в третий день, по Писаниям.
6 И восшедшего на небеса, и сидящего справа от Отца.
7 И снова грядущего со славою судить живых и мёртвых, и Царству Его не будет конца.
8 И в Духа Святого, Господа, Животворящего, от Отца исходящего, со Отцом и Сыном равно поклоняемого и славимого, говорившего чрез пророков.
9 Во единую, святую, соборную и апостольскую Церковь.
10 Признаю одно Крещение для прощения грехов.
11 Ожидаю воскресения мёртвых,
12 и жизни будущего века. Аминь.
 
Акьыԥхьтә версиа: адкылара